இலங்கை அரசாங்கத்தின் உத்தேச பயங்கரவாத எதிர்ப்பு சட்ட மூலத்தில் நாங்கள் முன்வைத்த பரிந்துரைகள் உள்வாங்கப்படவில்லை என ஐநா நிபுணர்கள் தெரிவித்துள்ளனர்.
இலங்கையின் புதிய பயங்கரவாத எதிர்ப்பு சட்டமூலம் நாட்டின் மிகவும் கடுமையான பயங்கரவாத தடைச்சட்டத்தில் காணப்படும் பலவீனங்களை நிவர்த்தி செய்வதாக காணப்படவில்லை எனவும் ஐநா நிபுணர்கள் தெரிவித்துள்ளனர்.
புதிய சட்டம் சர்வதேச தராதரத்தை பூர்த்தி செய்வதாக காணப்படுவதை அரசாங்கம் உறுதி செய்யவேண்டும் எனவும் அவர்கள் வேண்டுகோள் விடுத்துள்ளனர்.
இலங்கையின் தற்போதைய பயங்கரவாத தடைச்சட்டம் சர்வதேச சட்டங்களை மீறுகின்றது அடிப்படை மனித உரிமைகளிற்கான பாதுகாப்பற்றது மற்றும் சுயாதீன மேற்பார்வையற்றது என பலவருடங்களாக ஐநா நிபுணர்களும் சர்வதேச அமைப்புகளும் தெரிவித்து வந்துள்ளன என தெரிவித்துள்ள ஐநா நிபுணர்கள் உத்தேச சட்டமூலம் இந்த குறைபாடுகளிற்கு தீர்வை காணமுயலவில்லை என்பது ஆழ்ந்த கவலைக்குரிய விடயம் எனவும் குறிப்பிட்டுள்ளனர்.